類固醇，好多濕疹患者都同今日「濕疹事務所」嘅委託人一樣，又愛又恨，甚至梁嘉琪自己都話，明白類固醇的確有效，但一諗到副作用又會好擔心，唔知用好唔用好。對此皮膚及性病科專科陳俊彥醫生就話，其實醫生喺處方藥物時，會平衡功效同副作用，就算有需要用到濃度較高嘅類固醇，都會訂定一個日期，可能用5日、7日就要停。喺大部分情況下，只要跟足醫生指示，就唔會出現嚴重問題。而且而家已經有好多新型藥物，就算出現中度至嚴重濕疹，或者異位性皮膚炎，唔使再用類固醇，都可以阻截發炎訊號，令皮膚減少發炎，從而幫助舒緩病情！想知多啲關於類固醇同新型藥物嘅資訊，而家就要去片睇吓啦～