「畫出新希望」塑膠彩繪畫工作坊喺過去嘅星期日圓滿結束 多謝咁多位濕疹病友及照顧者踴躍參與活動！

當日除咗體驗塑膠彩畫外，亦有一眾皮膚科專科醫生到場為各位病友打氣，包括香港皮膚健康基金主席兼皮膚科專科陳厚毅醫生、副主席兼皮膚科專科關志強醫生及梁偉耀醫生、理事兼皮膚科專科林嘉雯醫生、皮膚科專科王慶榮醫生及顏佩欣醫生，喺現場為一眾濕疹病友講解有關濕疹最新資訊，並解答病友於飲食、用藥及運動等方面嘅疑問。

隨著時代進步，現時治療濕疹已經有唔少新希望及選擇，希望各位濕疹病友參加完今次活動可以學習到更多新知識，並帶著畫作搵到屬於自己嘅力量，積極咁面對未來嘅治療道路！