感謝藝人黎諾懿早前以神秘嘉賓身份出席香港皮膚健康基金舉辦嘅「畫出新希望」塑膠彩繪畫工作坊，一齊創作充滿希望嘅塑膠彩畫作，透過藝術幫一眾濕疹病友打打氣！

黎諾懿現場仲分享咗作為濕疹兒童家長嘅體會及經驗，原來囝囝「小春雞」同「小冬牛」長期受濕疹問題困擾，導致皮膚搔癢，夜晚難以入睡。一向被稱為好爸爸嘅佢，親力親為照顧兩位小朋友，坦言真係既心痛又疲累。

不過黎諾懿認為對抗濕疹最緊要保持正面樂觀心態，同時鼓勵各位濕疹患者積極面對治療，如有疑問要盡快求醫，早日克服病情！