銀屑病係一種慢性免疫系統失調皮膚炎症，患者嘅皮膚會乾燥、痕癢、疼痛，患處會呈粉紅色或紅色，覆蓋住銀白色鱗屑。所以銀屑病患者除咗生理上不適之外，心理上亦因為經常受誤會或歧視，而承受好多壓力。今年香港皮膚健康基金就響應10月29日世界銀屑病日，邀請到 黎諾懿 Lokyi Lai、Mayanne Mak 麥美恩、聯同香港皮膚健康基金主席陳厚毅醫生、香港皮膚健康基金理事林嘉雯醫生及王慶榮醫生等3位皮膚科專科醫生，參與「銀屑病不應阻隔我們 認識我不應只看外表」宣傳照計劃，一齊「身體力行」，透過銀屑病特技化妝嚟體驗患者嘅景況。即刻欣賞幕後精彩花絮！

而「銀屑病不應阻隔我們 認識我不應只看外表」宣傳照於10月21日開始喺港、九、新界嘅巴士站燈箱廣告展出，想近距離欣賞諾懿同Mayanne嘅銀屑病特技化妝，就要去巴士站捕實啦。

陳厚毅醫生、林嘉雯醫生及王慶榮醫生提醒：以上內容僅供參考，所有預防及治療方法都有不同的成效、副作用及風險。如有懷疑，請向主診醫護人員查詢。