林嘉雯醫生身兼皮膚科專科醫生及香港皮膚健康基金理事2個身份，自然亦希望透過「銀屑病不應阻隔我們 認識我不應只看外表」宣傳照計劃，令大眾對銀屑病加深認識。銀屑病並唔係傳染病，而係一種慢性免疫系統失調皮膚炎症，一啲外來嘅刺激、情緒壓力、皮膚損傷或外傷、上呼吸道感染、部分血壓藥及治療關節炎嘅藥、乾燥天氣及遺傳，都係銀屑病嘅風險因素。無論你係患者、親友或一般人，都要關注！