熱愛演戲，同樣熱愛畫畫嘅 Ali，為展覽特別創作全新作品 《生命的韌性》，首次以塑膠彩及油粉彩創作，靈感源自佢對慢性皮膚疾病患者，例如銀屑病、濕疹嘅病程觀察。作品喺油畫布上呈現生命不完美之中依然堅韌前行嘅狀態，向受皮膚疾病困擾嘅人士送上鼓勵同力量。

香港皮膚健康基金主席皮膚科專科醫生陳厚毅醫生及副主席皮膚科專科醫生關志強醫生分別致辭，仲同 Ali 一齊帶大家了解濕疹、銀屑病等皮膚病嘅病因、護理方法，以及「早診早治」嘅重要性。同場仲展出 Ali 嘅水墨畫，插畫師鄧樂婷及多位學生嘅畫作，不同嘅創作單位蒞臨交流，埸面非常熱鬧。

記者會之後仲有皮膚科專科醫生鍾振堅醫生、林旭強醫生以及王慶榮醫生深入分享銀屑病及濕疹嘅治療方法及目標，解答大家對皮膚病嘅疑問。近年醫學發展好快，治療選擇亦越嚟越多。除咗傳統外用或口服藥物之外，仲有新一代更針對性嘅療法，例如生物製劑同JAK抑制劑，能夠幫助患者更好咁控制炎症，改善皮膚狀況。只要積極治療，不論係濕疹或者銀屑病患者，皮膚都有機會達到「皮膚全清」Complete Skin Clearance。

【皮膚健康與藝術之旅】展期為五天，到今個星期日，免費入埸參觀 ，詳情如下：

日期及時間：2026年1月7日 (下午3時至晚上9時)

2026年1月8日至11日 (上午11時至至晚上9時)

地點：Wyndham Social (中環雲咸街33號地下 )

參展者：著名藝人李佳芯、插畫師鄧樂婷及受邀學生

對象：展覽歡迎所有關注皮膚健康人士