「踢出免疫力 齊抗濕疹你最勁｜南華會五人足球體驗日」喺過去嘅星期日圓滿結束喇！非常感謝各位小朋友同家長嘅踴躍參與！

活動當日，我哋邀請到皮膚科專科陳厚毅醫生、李政謙醫生、關志強醫生同黃之鍵醫生，為大家分享有關兒童濕疹嘅知識、治療方向同日常護理小貼士，幫助家長更有效管理小朋友嘅濕疹問題。

除咗學習濕疹護理知識，醫生同一班小朋友仲齊齊落場踢五人足球，感受刺激又好玩嘅足球體驗！當日更有星級嘉賓 林海峰先生同袁文傑先生到場支持，連行政會議成員高永文醫生都親自上陣，大家一齊踢波，場面非常熱鬧！

希望透過今次活動，不但可以俾家長掌握更多實用嘅濕疹知識，亦都俾小朋友享受足球運動嘅樂趣，強身健體之餘，仲可以「踢出免疫力」！

即刻睇睇活動當日嘅精彩相片啦！